2003.05.23 Республика кунне хатĕрленсе. "Хыпар"

Виçĕм кун Правительство çурчĕн Пĕчĕк залĕнче Республика кунне хатĕрленсе ирттерес енĕпе ĕçлекен йĕркелỹ комитечĕн ларăвĕ иртрĕ. Ăна ЧР Министрсен Кабинечĕн Председателĕ, маларах асăннă йĕркелỹ комитечĕн председателĕ Н.Ю.Партасова ертсе пычĕ. Темиçе çул ĕнтĕ Республика кунĕнче "Регионсен çыхăнăвĕсем чикĕсĕр" ярмăркка–курав ăнăçлă ĕçлерĕ. Каçал та йĕркелесшен ăна. |ĕртме уйахĕн 21–25–мĕшесенче МТВ–центр территорийенче иртĕ. ЧР промышленноç министрĕн çуме В.E.Новицкий пĕлтерне тăрăх, 1600 тăваткал метр йышăнакан лаптăкра 250–270 организаципе предприяти хăйсен таварĕпе паллаштарĕ, çав шутра 70–75 проценчĕ – хамăр республикăран. Кăçалхи курав вак бизнеса та "симĕс çутă" парĕ. Республика кунне пĕлтĕр Шупашкарпа пĕрлех Eтĕрнере те ирттернĕчче. Кăçал çак чыса Шăмăрша районĕ тивĕçнĕ. Йĕркелỹ комитечĕн ларăвĕнче асăннă районта уяв мероприятийесене хатĕрленсе ирттерессипе çыхăннă ыйтусемпе ЧР строительство, архитектура, çул–йер хуçалăхĕн министрĕ В.Н.Филатов, Шăмăршă район администраци пуçлахĕ В.П.Фадеев тухса калаçрĕç.