2003.05.29 Республика уявĕ тĕлне – тĕслĕх библиотека. "Хыпар"

 ЧР Культурăпа национальноçсен ĕçĕсен министерстви пуçарнипе Шăмăршăри тĕп библиотекăна реконструкцилесе тĕслĕх вулавăш йĕркелеме йышăннă. Çĕнĕ йышши компьютерпа, аудио–видеотехникăпа пуянлатнă библиотекăна Республика кунĕнче савăнăçлă ларутăрура уçĕç. Кунти юсав ĕçĕсене вĕçленĕ ĕнтĕ, халĕ пулĕмсене çĕнĕ сĕтел–пуканпа хăтлăх кĕртмелле, вулавăш фондне пуянлатма кĕнекесем туянмалла. Ялта тĕслĕх библиотека уçни вулакансене куллен тулли информаципе тивĕçтерес ĕçе хăвăртлатĕ, пысăк пахалăхлă техникăпа усă курни Шăмăршăсене Наци библиотекипе тата Интернетпа тачă çыхăну тытма май парĕ. Çакнашкал библиотекăсене çитес вăхăтра Карапай Шăмăршăра тата Асанкассипе Пуянкассинче уçма палăртнă. Л.МАКАРОВА.