2003.06.20 А. Починок саламланă."Хресчен сасси"

Çывхарса килекен Республика кунĕ умĕн Н. Федоров президент ячĕпе саламлă телеграммăсем килме пуçларĕç. Раççей федерацийĕн ĕçлевпе социаллă аталану министрĕнчен А. Починокран килнĕ телеграммăра çапла каланă: «...Мĕн йеркелесе янăранпах республика социаллă пурнăçпа экономикăна аталантарма пур майсем те пуррине çирĕплетсе пачĕ тата Раççей патшалăхĕн экономика хăватне çирĕплетме тарăшнине кăтартрĕ. Сире тата Чăваш Республикин халăхне экономикăна тата социаллă сферăна аталантарма палăртна тĕллевсене пурнăçлама ырă сунатăп. Раççей Федерацийенчи халăхсен туслăхĕ çирĕпленсе пытăр тата Раççейри пур çыннăн та пурнăçĕ лайăхлантăр».